مـنـتـديــات ايــجـى اونــــلايــن
السلام عليكم
بص يا عمنا انت هتسجل هتبقى صحبى و حبيبى و كفائة مش هتسجل هعصرك و أجيب منك أعضاء كتاكيت دوس على التسجيل تحت و اوعى تنسى لما تسجل تروح لأيميل الاشتراك اللى انت كتبته علشان تفعل اشتراكك وتشارك معانا انما بقى لو كنت مشترك معانا فعلاً يبقى دوس على دخول و اتمنالك الاستمتاع بالمنتدى ...

من هنا<<<<<<<<<<<<<<



 
الرئيسيةالمجلةس .و .جبحـثالأعضاءالمجموعاتالتسجيلدخول

شاطر | 
 

 قاموس للمصريين (اعرفوا تطورات اللغة المصرية)

اذهب الى الأسفل 
كاتب الموضوعرسالة
KingSton
مؤسس المنتدى
مؤسس المنتدى
avatar

الجـنس : ذكر
الـبـلـــد : مصر
الـمهنـة : طالب
الـمـزاج : رايقلكم
المشاركات : 708
النقـــــاط : 5431

مُساهمةموضوع: قاموس للمصريين (اعرفوا تطورات اللغة المصرية)   12/5/2009, 11:01 pm

أستكانيس



لفظ يدل علي الراحه والرفاهيه والمتعه وتقال " انا مستكانيس كده " اى انا مرتاح جداً

بهذه الطريقه

أدرجى



لفظ يطلق علي محترف الصياعه او " لافف " ويقال انت شاب أدرجى في السوق ، اى

بارع في التجارة وتفهم الكثير من خبايا الامور واحيانا تقال للشاب ذات العلاقات

النسائية المتعددة



أيحه



لفظ يطلق علي شخصاً ما هو الا التركيبة السرية لماده البخل او الذى لا يهون عليه

صرف مليم



أعمل دماغ


عبارة مشهورة لدى المدخنين ويقصد بها ضبط الحاله المزاجية عند المدخن



أديها جاز


عبارة تقال في مواقف المشاحنات بين الأصدقاء لزيادة حدة المشاجرة ، مثل " أدى

الخناقة جاز علشان تولع أو شعللها " سواء بالكلمات أو توجية اللوم لأحد المتشاجرين

لكى يثور علي الاخر



أختفى شوية


أى لا تجعل أحد يراك هنا أو أبعد الآن أو أمشى من هنا ، مثل " عاوزك تختفى شوية

لحد ما الحياة تعدى " أى لا تظهر نفسك حتى تنتهى المشاكل . أو " أختفى من أمامى

الأن .. أى أمشى وأترك المكان لأنى لا أريد رؤيتك



ايه النظام


عبارة بمعنى! أيه الموضوع ، ولقد أستغلت الكلمة في أحد إعلانات الموبيل فى نظام

كروت الشحن و العبارة تدخل في العديد من الأحداث التى يتسائل فيه الشاب عن الأحداث

الجديدة ، مثل " أيه النظام .. النظام في العظام " والعبارة الاخيرة تفيد الأعتراض علي

الإجابة بإسلوب فيه عبط وإستهبال



أليط



لفظ بمعنى المتكبر ، الذى يتعامل مع الأخرين بأسلوب فيه تعالى او ينظر الى الاخرين

نظره دونية متعجرفة




إتم



والأتامه حسب تعريف الروشنه تعنى الغلاسه والرخامه والتناحه ، وجميع الصفات

السيئة التى قد يتصف بها شاب معين .. ويقولون " الإتم جه " أى استعدو لتحمل

السماجه التى سوف تظهر من هذا الشاب



أزبهل



لفظ يدل علي الزهول الشديد ويقال " انت مزبهل كده ليه " أى مندهش لدرجة العبط



إحلق



وهو لفظ لا يعنى الذهاب الى الحلاق لقص الشعر ولكنه يفيد تجاهل الغير مثل " أحلق له

" أى لا تفكر فيما يقول فهو لا يستحق




أبجنى تجدنى


عبارة تعنى " انا يمكن شرائى بالمال " او اعطنى المال لكى انفذ كل ما تطلبة ، وغالباً

ما يقولها الموظفين المرتشين ! او الشاب الذى لا يهمه إلا مصلحته دون الأخرين



أنجز بالونجز


كل المشاكل التى تقابلها لها حل سريع وحاسم ما دمت تدفع المقابل ، والونجز يقولون

انها كانت نوع من انواع السجائر قديماً ، لكنها تطلق هنا علي النقود لانها حلالة العقد

وسريعة التأثير في انهاء المصالح المتوقفه



أستك



مصطلح يعرفه التجار ويعنى الألف جنية



أرنب


مصطلح شعبى بمعنى مليون جنية .... ويقسمه التجار ورجال الاعمال مثل " نصف

أرنب " أى نصف مليون جنية والربع أرنب يعنى الربع مليون جنية اما الورك ارنب

فهو المائة الف جنية



أخلع دلوقتى


عبارة تقال كأعلان لرغبتك في رحيل شخصاً ما ، أنهيت الحديث معه ، مثل " أخلع

دلوقتى ورايا شغل " أى امشى الان ونتكلم مره اخرى فلدى ما اهتم به غيرك



أتزرع هنا


بمعنى أنتظر هنا ولا تتحرك مثل أى جماد أو شجره وتقال " إتزرع هنا لحد ماجى تانى "

أى لا تترك مكانك أو موقعك حتى أعود إليك مهما كانت الأسباب



أعلن فرارى


عبارة بمعنى انوى الإنسحاب من الجلسه او الموقف الذى اعاصره ، وتقال " اسف " انا

هأعلن فرارى اى انا ماشى او لن انضم اليكم في الحديث



أتارى



مصطلح يطلق علي السيارات الخفيفة ، لانها تشبه السيارات في العاب الفيديو جيم او

الاتارى ، مثل " سياره الشرطه " ويقولوها المدمنين

" اجرى يالا عربية الاتارى جاية "



أيه الحياة ؟


سؤال بمعنى ماذا حدث اليوم ، ما هو الجديد في الدنيا .. ما هى اخر الاخبار وكل الاسئلة

علي الوضع الحالى



أخلع فرد


عباره مأخوذه من لسان شاب جزمجى ، وتفيد معنى ان من نتكلم عنه قادم



أحنا اللى بهيظنا الفهايص


عباره يطلقها قائد شله الفساد افتخارا بنفسه ومعناها " انا اللى جعلت الجميع يغيب عن

الوعى "



أدعك الفانوس


عبارة بمعنى أختفى الان ، انصرف ، لقد اتممت مهمتك او قلت ما تريد .. مثال " ادعك

الفانوس دلوقتى " اى احل بدون ان يراك احد



أنزل من ع المسرح يا نجم


عبارة تقال لشخص يتدخل فيما لا يعنيه ويقصد بها " ده مش دورك " اى ليس لك دخل

بالموضوع



إنسانى وخد عنوانى


عبارة تفيد عدم المشاركة في اى احداث قادمة او معاصره لموقف معين ، مثل " تحب

تروح السيما ؟ لا .. انسانى وخد عنوانى ،،، اى لا اريد الذهاب لاى مكان او جاء ميعاد

انصرافى وسوف تجدونى وقت الحاجه مره اخرى



أنف



الشخص المتكبر المغرور الذى لا يتعامل ببساطه مع الاخرين ، بل ينظر اليهم نظره

دونية



أهرش



لفظ يفيد " طلع اللى في جيبك " او ادفع لى حتى اقوم بما تريد من خدمه وتقال ايضاً "

اهرشنى " اى اعطنى نقوداً في السر او في العلانية



أنزل من علي ودانى


عبارة بمعنى " ابتعد عنى " او انك انسان ثرثار كثير الكلام او " ارحم دماغى "

صدعتنى



أوكشه



وهى الفتاه الباهره الجمال او التى تستحق ان يطلق عليها كلمه " أنثى "



أنتخ



لفظ بمعنى جلس بدون هدف ينتظر الفرج حتى يأتى له ، مثال " انت ها تقعد مأنتخ من

غير شغل كتير " والمقوله يردد مثلها الاباء كثيرا للابناء الجالسين بلا عمل بعد التخرج

ومعناها ابحث لك عن عمل بدلا من الجلوس الممل لانى لا انوى الاستمرار في منحك

مصروف



أشتغله



اى اكله البلوظه او اكذب عليه او اخدعه او استهبل عليه وتقال " انت بتشتغلنى "

_________________
منتديات ايجى اونلاين

أهلا وسهلا بك يا زائر فى منتدانا

=-=-=-=-=-=-=-=-=-=-=-=-=-=

يرجى التكوم وقراءة قوانين المنتدى بالضغط على الصورة التالية..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://egyonline.hooxs.com
{{Bendary}}
اونلاين بدأ شغل
اونلاين بدأ شغل
avatar

الجـنس : ذكر
الـبـلـــد : مصر
الـمهنـة : طالب
الـمـزاج : راجع من بع
المشاركات : 37
النقـــــاط : 3841

مُساهمةموضوع: رد: قاموس للمصريين (اعرفوا تطورات اللغة المصرية)   16/5/2009, 1:52 pm

موضوع كويس جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قاموس للمصريين (اعرفوا تطورات اللغة المصرية)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنـتـديــات ايــجـى اونــــلايــن :: الثقــافــة :: مقالات مختارة-
انتقل الى: